FOLLOW US

  • Grey Facebook Icon
  • Grey Instagram Icon
  • Grey YouTube Icon

©2017 Herencia Bespoke Tailors. All Rights Reserved | Privacy policy | Terms & Conditions

新郎必睇穿搭全攻略! 10大穿搭貼士教你化身時尚新郎!

 

edited on 14th Dec 2018

 

一場婚禮之中新郎的禮服好似比婚紗來的簡單, 唔係黑就深藍, 冇咩需要諗咁, 咁諗你就錯喇! 如果配搭得宜, 加上fit身剪裁, 就唔需要著到好似登台咁, 都可以令你從酒樓部長同賓客之中突出到主角嘅身份! 度身訂造西裝禮服專門店Herencia Bespoke以下為大家介紹幾個唔同風格嘅禮服配搭技巧:

1. 玩味 mix and match

當然全套西裝同一顏色是較傳統和經典嘅穿法,但若然想增加一點玩味,不妨嘗試一下mix and match, 加上一啲其他顏色嘅拼布, 又或者馬甲配上其他顏色, 突出層次感, 增添玩味。新手黎講灰同藍係最唔容易fail嘅配搭, 亦能夠輕鬆駕馭。 但mix and match嘅同時切忌撞到五顏六色, 身上只能最多三種顏色, 否則可能會好似登台咁。

藍和深紅都係一個比較特別嘅配搭(下圖), 但切忌配鮮紅色馬甲或煲呔, 否則可能變成柯南般嘅卡通感覺

2. 華麗風

大日子當晚係最適合走華麗風tuxedo嘅時候, 除左燕尾服之外, 唔想太隆重嘅新郎, 禮服領面可以用上緞面的色丁或絲絨作點綴, 製造低調奢華感。

禮服材質可以揀一啲帶有暗花而有光澤嘅布料, 同樣能夠做到唔浮誇得黎又夠哂grand嘅華麗感

白色燕尾服係唔少新娘心目中嘅白馬王子look, 唔想成身白色咁悶嘅話, 加點黑色配飾如煲呔、袋巾、恤衫鈕等等都能夠點綴一下

3. 復古風

講到復古風就一定不得不提英倫啡的西裝, 既可以帶出懷舊的感覺, 又唔會好似藍黑灰嘅西裝比人似番工嘅感覺。煲呔或者呔適合同為大地色系的顏色, 材質選用羊毛或棉質的都非常搭配。

就算只有馬甲選用啡色亦都可以帶出復古味道(下圖)

source: Pinterest

4. 淺色清新系

影婚紗相好多時都以郊野為背景, 營造小清新感覺, 而禮服亦當然配以淺色系帶出輕鬆嘅感覺。粉藍、淺灰和杏色都係唔錯(亦係比較令男士容易接受)嘅選擇。 而煲呔配上棉質或其他帶casual一點感覺的則比較適合。不過由於淺色系會令人顯得略胖, 比較建議身型偏瘦嘅新郎穿著。

​杏色則被較多外國新郎選用

source: Pinterest

5. 小配件:造型小亮點

若果想禮服冇咁單調, 除左以上方法之外, 亦都可以考慮加上一些小飾物, 如袋巾和馬甲鍊, 但亦切記點到即止, 不用太浮誇。另外需注意嘅一點係, 正式晚禮服不宜穿戴皮帶。

6. 皮鞋配搭

較隆重的晚禮服應該以黑色皮鞋配搭, 以突出正式和隆重感。而淺色系的西裝(影婚紗相或大日子早上)應該以啡色皮鞋以帶出輕鬆時尚的感覺。

7. 襪子

正確著法著西裝一定要配西裝襪,避免著運動襪、白襪。如穿著晚禮服, 襪子顏色方面應挑選和西褲的顏色一樣,如想帶輕鬆玩味感的話, 可以穿著一些較鮮艷嘅顏色 (襪子比西褲顏色更深色為佳),襪子要夠長,坐下時不能露出小腿。

8. 恤衫

如穿著較隆重的燕尾禮服, 必需配上禮服恤, 想再隆重啲嘅話, 可以選擇較特別嘅鈕扣, 但都係切記唔好太浮誇, 否則就會變得好俗氣。

如穿著其他較簡約的禮服, 以不太寬或太窄的標準領型都可以。

9. 選擇合身的西裝

一套剪裁合身嘅禮服絕對可以令新郎睇落更sharp更突出, 以下幾點可以幫你辨別禮服是否合身:

a. 西裝的衣長和袖長

首先西裝外套至少要遮到一半屁股, 第二是視乎上下身比例作調整, 原則是穿上外套後, 上半身和下半身比例一比一。而袖長大概到手掌虎口位, 恤衫袖能露出半吋為標準。

b. 西裝的肩寬

西裝的肩部太闊太厚都會好似著左件盔甲咁, 合適嘅肩寬係膊位唔會突出黎, 但又唔會窄到三頭肌上方出現凹位

c. 西裝的腰身

腰身闊窄都係重點, 修身係當然需要, 但太窄就會變mk, 如果窄到令西裝扯到摷炆炆, 只會更加突顯出漲爆嘅感覺, 無法呈現西裝應有的直挺感。另外偏瘦嘅新郎都不宜著得太貼身, 如果唔係隔離嘅新娘就會比下去喇…..

d. 西褲的長度

西褲的長度應該以剛剛到皮鞋面, 或只出現一折比較顯得線條俐落一點, 過長令褲腳打褶會顯得比較累贅

10. 一物二用

好多新郎可能會覺得禮服只係結婚著一次, 度身訂造好似唔太化算, 但套衫唔fit身成個image真係可以差好遠架! 有見及此, 好多度身訂造禮服都有提供修改禮服轉番做番工款嘅服務, 只要新郎係訂造西裝前,同店員講想件禮服日後著得番就得架喇

Herencia Bespoke Tailors

             

 

Herencia 的禮服設計著重顏色配襯與感覺氛圍, 不浮誇的經典款式加上獨特設計, 讓新郎穿出時尚型格的感覺。

加上40年經驗老師傅店中坐鎮, 每套禮服均享半成品試身, 確保剪裁最切合你的形象。

Herencia 於2018年度成為全港唯一榮獲優質婚禮商戶的度身訂造西裝禮服專門店。

由即日起限時優惠度身訂造禮服套餐只售$2,780起*, 套餐包括:

● 禮服外套一件(包括燕尾款)

● 西褲一條

● 馬甲一件

● 禮服恤一件

● 煲呔及袋巾各一

優惠期(即日起至31/1/2019)內更可免費將禮服改回上班西裝款, 歡迎蒞臨門市了解更多款式

**訂造需時約四個星期, 包半成品及成品兩次試身。

*視乎布料而定

$50 現金券

​立即預約! 於預約時輸入優惠碼"esdlife01", 即可獲減$50!